Tembono iniu laa anandonia
metamoako i oheo moia dowo
i laika i ahoma mombahoito otowu nggopeotorono. Iyee patani mesida rongga
sawatuu. Tudu oleo ano pasipolei towuno ano meambo. Aso waktu pinopaho towuno
dadi’ito inoalo. Lakono lako olako-lako i pombahora. Kadui no’tekokoni kumondoi
dadio kuli ndowu tetotale i wiwi mbombahorano merambi i alaa. Ku mondo’i laa
kadadia kadui no osauuneno rongga teeni ito i une mbenaono nggo rumako’i inae
toonono.
Mohinano, mowinggi dahu lako ito i pombahorano dungguno i
pombahora oruito lako i wiwi a laa meparesa i wiwi a laa. Sabutuno nggo dunggu
i wiwi a laa masanbidadao tetoro okino mondae lahaano tetoro laa
opitu luale
momahe. Laa mbelumaa i wiwi a laa. Lakono oru mehiako i bunggu ngasu owose ano
kondo’i peowairo.
Tulurano “ kadu;i nomomahe bidadariako “. okino menggau kopitu
luale momahe lako ine towuno i oheo lakoro mbule mbendua i wiwi a
laa mbendebua laa lako mboawo otowu. Kadu’i meamboro i woi towuno i Oheo no momami. Ariro lakoro lako mekalingge kulino ano tetotale i wiwi
a laa. Lakoroto melosiako i a laa
nggo mebaho-baho arino kumi’iro.,notoorikeeto no ihiroto laa umopu ikee towuno
no more mbemomahe’ako.
Pertamano kadu;i no mosauuneno rongga morunggu penaono,mano
notoorikeeto no more mbemohaeako laa kumaaikee towuno,suereeto hanggari
nomokoeheeheno. Ineheno penaono nggo mewaliako sala o asoro. Sabutuno laa nggo tepuli oleo. Kopitu more momahe ari’iroto mebaho. Lakoro
lako megagasi mepakea aro mbe hapo-hapo dowo lau-lauro mbelumaa i lahuene. Mano
sala o asoro okino dadipo lumaa sababuno tesia. Iyeto luale metamoako
anawaingguluri doho iroto mbeopolaha i keni i mbone mano o kino dapa’ipo .
hanggari mo’ia dowo’ito i wiwi a laa.
Okino menggau peluarakoeto i Oheo ari ine pehiakoano, lakono
rumambini’i luale momahe. Hei’ luale Momahe .lakono u mulukee aro pombeka
tooriako ,laeto teeningge lahaano moia i asohori . no laa pepetooriako .Inggo’o
inae? Pesukono i Oheo inaku i Anawaingguliri ari i lahuene, toono i lahuene
nopeorikona anawai ngguluri. Tulurano more momahe. mesuko ito i Oheo mbakoe ano
laa do’owo i keni ?
“ inggoni inaku rongga o’ono peohainggu mebaho a laa ikeni.
mano,ihiro ro naa’ku dodowonggu i keni,sababuno inaku okeku bisapo luma’a mbule
mbendua lako i lahuene. sabutumami laa mebaho
Laaka moia i Oheo tepoeheroto iroo omore,, ineheno nggo merapukee
. lakoroto
mesambepe memenaano ponggonino
i Oheo okino mebeano i Anawai ngguliri ,mano kero dadi merapu rongga i Oheo
,matandu keto elenggu mondae ari ine anamotuono rongga peohaiakono laa la mo’ia
i lahuene.mano mbuiki suere o salah suere,no tarimaito pinonggonino i
Oheo okino
menggau kawi i roto .mano eheeki i anawaingguluri mano laa oaso pinedandiakoro,
teopiano ano laa anaro i anawai ngguluri oki keno pohohiki koisino anaro. Tugasinoto
i Oheo. Ariro kawi
Aso ndauto telalo, monaeroto o ana langgai . ari-ari pinedandiako,
tudu tewutano anaro ,nggo i Oheo lau-lau wohiki’i koisino.hendeto nggiro tudu
oleo sambe mondongga ndau.
Oaso waktu, i Oheo laa marepo mondu’u oato i rai laika. masano
anano tewuta.
papano,laa tewuta anando
.no peoorianawai ari i unelaika.kula’a marepo. totahano i Oheo laa mondu o ato
laika. papano anando tewuta. wohikii leesu koisino , peoori i anawai ari i
unelaika.
Moraru meoorii walino, mano i Oheo tatadeano taehe nggo mowohiki
koisino anaro. hanggari no petena mbendua walino wohikii.
“ inggootokaa wohikii “
totahano i Oheno rongga suara mokora . hende tealo berese birino anawai no
podea’i totahano walino. irooto waktu masano tebua tulura ari ine ponduno.\
papno” teeembe u kolupeito
dandindo totahori kawi? “ hawopo hae aulambo inggo’o mombehawa hanu ndealo .
hanu mbeleesu tealoito.totahano i O heo rongga mosauuneno.
penaono i Anawai kadu’i
nomohaki modeae totahano walino. rongga tesolo iwoi Matano,lakono wohikii koisino anaro.a ari iro’o
menggokoroito i rai lomba-lomba ano motoandoa i lahuene .sabutuno tepali matano
mekondo i lahuene . masano mokoaungguno nggo mbule i lahuene nggo teposuanggee
peohanio rongga anamotuono. okino penasai tesolo iwoimatano. ine kombisino.
ronggano keto meholiliako pekondoano i pamba mbinopaho ,masano kumi’i o
kain modele mo unggu laa teasi
ine kowuna ,laa wiwi kaeno kono rumabu’i .kadu’i
no tekokoni nolaa ine kaeno laikaa meambo.
Ha oki pera no sawunggu tetesia? mano mbakoe ano laa i keni
pesukono i une mbenaono ronng no tekokoni.kadu/i sanano penaono i Anawai
sababuno no dapaito sawuno harapano nggo
mbule mbendua i lahuene keto dadi. oruito kumopu’i anano ano umaa’e ronngg
penao meambo.
“ambonggiaku ana,mepasa’ako
aku naako ronga amamu . arino iro’o lakono meorikee i Oheo ano naae anano i
lolu laika .
papano” tulunggi iki anando
au dagai’i akuto mbule i lahuene.
pertamano i Oheo okino
parasaheae nggiro .laikaa membono meindio ,monggopio walino no peoorikee .
oruito pelonggo ari ine pereurehu ano ,ano oru peeka i laika sabutuno laa i une
laika no
dapaito walino laa luma’a pelurako meruku ine lomba-lomba.
“Walinggu i amo naa ko
‘mami peoori i Oheo
Anawai ngguluri okino
laambo mombasipole walino nolaa meoori. lakono lumaa i wawo puu inea,tealo i
puu nggaluku .monggopioe meoori walino, okino laa mombasiole . tundu-tunduno
lumaa lalo i lahuene.
Kadui no peoli-oli i Oheo peowaino.keno wohikii ipo anano .matandu
oki keno naa’i walino . hendeino elenggua eto pusi, okino suae pasipolei anano
ni naano walino. lakono meopolaha pepetulunggi inaeto kaao nggo sadia u mawe’i
sambe i lahuene. ariito lumoloi ine hawotokaa ,modapaito basano pinopaho
metamoako i Uewa’i sadia tumulunggi’i mano,rongga niponuhino i Oheo ano powaikee o sisi nggo pepasaano tudu tanggeno. ariito
ponuhi ikee pinonggonino lakono tumenaai ano
pereurehu ano pepoindi mokora ine
tanggeno
laa masussa Nggee torono laa nio ehe tumulunggi’i iyeto o
uewai rongga i olimbopo .. lakono i Olimbopo humori-hori’i i Oheo ano poko mbeiranggai’i teembe sala meambo ano
mbule mendua rongga walino aro toro meambo mbeo anaro
Lakono meorikee walino no onggoto mbule mbendua i wonuano i
lahuene ,ano peoliwi i hanuno ano dagai’ikeroki anaro ano meambo. Kadu’i no
peoli-oli ke i Oheo ohawo laa nowaino i barano no wohiki’i kee koisino anano
oki keno naa’i walino. Opio waktu , iuewai Lumaa meita rongga merare peiaeto
botu meia. Meramerare i Oheo peluarako no tekokoni padahalo laeto i rai wonua
lahuene .lakoro pinoko ndeposua meowaliro aro petulura dadiiroto petuha i
wonuano I Oheo mondarambuu toro noohu.
No laa masussa Nggee torono laa nio ehe tumulunggi’i iyeto o uewai
rongga i olimbopo .. lakono i Olimbopo humori-hori’i
i Oheo ano poko mbeiranggai’i teembe sala meambo ano mbule mendua rongga walino
aro toro meambo mbeo anaro. elenggua eto mesida meindio i Oheo
0 komentar :
Post a Comment
Terimakasih banyak atas kunjungannya